BALANCE

Como xa está cerca o remate do curso, creo que vai sendo hora de facer unha reflexión sobre o noso club de lectura.
Empezamos en decembro lendo unha novela sobre piratas

• A illa do tesouro de ROBERT LOUIS STEVENSON
  
• e diversos libros de divulgación sobre piratas reais

Logo pasamos a meternos na pel duns frikis fóbicos en

• Escuela de frikis de GITTY DANESHVARI

A continuación limos as increibles aventuras dunha rapaza de 13 anos no enigmático barco Seahawk en

• As confesións de Carlota Doyle de AVI

Fixemos un cambio e limos un artigo titulado

• Por qué non len os rapaces de hoxe?

E, por último, buscamos información e traballamos sobre As Musas para aportar o noso gran de area á SEMANA CULTURAL do Instituto que este ano trataba sobre GRECIA.

Que vos parece se acabamos o curso lendo entre todos unha narración curta pero "emocionante"? Se estades de acordo, espérovos o vindeiro martes 25 de maio ás 18.10 na nosa "sala de lectura" habitual. Pode que haxa sorpresas....

Canta, oh Musa...

Ola a todos! Antes de comezar pidámoslles ás Musas que inspiren o noso canto, pois sen a inspiración o poeta é un simple mortal.

Eu son CLÍO, a Musa da Historia e da poesía heroica. Son filla de Zeus e Mnemosyne, polo tanto, neta de Urano e Xea. Din que teño oito irmás:
"Ela deu a luz a nove fillas de iguais pensamentos, afeccionadas ao canto e de corazón ledo, preto do máis alto cumio do nevado Olimpo" (Hesíodo, "Teogonía").
As nove movémonos entre o Olimpo, onde somos chamadas a miudo por Zeus para aledar as súas festas, e o monte Helicón, onde formamos fermosos coros e percorremos os seus ríos e vales. Tamén estamos ligadas a Apolo, deus da música, que dirixe no Monte Parnaso o noso coro.
Din que introducin o alfabeto fenicio en Grecia, e que teño un fillo, chamado Xacinto, compañeiro de Apolo.
Hoxe quérovos contar un mito sobre min e as miñas irmás.
O rei Píero de Pieria, en Tracia, tiña nove fillas que eran moi hábiles na arte do canto. Estaban tan orgullosas desta virtude que decidiron viaxar ata o Helicón e retar ás musas a unha competición, que as deusas aceptaron. Mais non esquezades que retar aos deuses era considerado "hybris" e os deuses castigaban sempre estes retos: contra a "hybris"(arrogancia, traspasar os límites) sempre actuaba a "nemesis" (a vinganza).

Pois ben, as piérides entonaron unha canción marabillosa que fixo enmudecer mesmo aos paxaros. Pero o canto das musas conmoveu ata as pedras. As piérides, derrotadas, foron castigadas pola súa arrogancia; as musas transformáronas en pegas, cambiando as súas voces por grallos.

Musas